పాదముద్రలు

Wednesday, February 23, 2011

గోదారమ్మ
నుదుటిమీద
ఆకుపచ్చ
బొట్టుబిళ్ళ
కోనసీమ!

-----భాస్కరభట్ల
ఫొటో:కళాధర్ బాపు

పాతచీర,
మొహం దాచేసుకుంది...
బొంతలో!

----భాస్కరభట్ల

ఒక పాదానికే

చోటుదొరికింది..!

రెండో పాదం గాల్లోనే…

ఫుట్‌బోర్డ్ ప్రయాణం!

-----భాస్కరభట్ల

ఎప్పుడో టూరింగ్‌టాకీస్ లో
చూసిన సినిమా..
ఇప్పుడు మళ్ళీ
నా హోమ్‌ధియేటర్ లో...!
ప్చ్ ...
ఒళ్ళో కూచోబెట్టుకున్న తాతయ్యేలేడు!

----భాస్కరభట్ల

విక్రమార్కుడి భుజాలమీద
భేతాళుడిలా...
బడిపిల్లాడి
భుజాలమీద
భారంగా వేలాడుతున్న
పుస్తకాల సంచీ!!

-----భాస్కరభట్ల

ఆమె ఉత్తర దిక్కు..
నేను దక్షిణదిక్కు..
అందుకేనేమో
ఎన్ని ఉత్తరాలు రాసినా
స్పందించట్లేదు!!

----భాస్కరభట్ల

అందమైన అమ్మాయి కనిపించగానే
చూపులన్నీ
పాదాలమీదే!.
హమ్మయ్య..
మెట్టెల్లేవ్..
ఆమె నాదే!

-----భాస్కరభట్ల